Viquipèdia:Comunicat 4 de juliol/ast
Envalorada llectora, envaloráu llector:
.svg){kind=logo}
El 5 de xunetu de 2018, el plenu del Parllamentu Européu va votar si proceder con una propuesta de direutiva sobre los derechos d'autor. Esta, si s'aprobase, estropiaría bultablemente la Internet abierta que güei conocemos.
En llugar d'actualizar les lleis de derechos d'autor n'Europa y promover la participación de tola ciudadanía na sociedá de la información, la direutiva amenazaría la llibertá en llinia ya impondría nuevos filtros, barreres y torgues p'aportar a la Web. Si la propuesta s'aprobara na so versión actual, aiciones como'l compartir una noticia nes redes sociales o l'aportar a ella al traviés d'un motor de busca fadríense más complicaes n'Internet; la mesma Wikipedia taría en riesgu.
Hasta agora opunxéronse firmemente a esta propuesta decenes de persones destacaes nel ámbitu de les teunoloxíes de la información —ente elles, el criador de la World Wide Web, Tim Berners-Llee, ya'l pioneru d'Internet, Vinton Cerf—, 169 académicos, 145 organizaciones polos derechos humanos, la llibertá de prensa, la investigación científica y el desenvolvimientu teunolóxicu; y la Fundación Wikimedia, la organización ensin ánimu d'arriquecimientu que promueve, ente otros proyectos pola conocencia llibre, esta enciclopedia.
Por estes razones, la comunidá de Wikipedia n'asturianu decidió llamar a nun editar les páxines de la enciclopedia antes y mientres la votación del testu, esto ye, hasta les 10 h (UTC) del 5 de xunetu. Queremos siguir ufiertando una obra abierta, llibre, collaborativa y de baldre con conteníu comprobable. Llamamos a tolos miembros del Parlamentu Européu a votar en contra del testu actual, a abrir a discutiniu y a considerar les numberoses propuestes del movimientu Wikimedia pa protexer l'accesu a la conocencia; ente elles, la eliminación de los artículos 11 y 13, la estensión de la llibertá de panorama a tola UE y la conservación del dominiu públicu.
N'otros paises del mundu, como Colombia y Méxicu, la comunidá de Wikipedia opúnxose apocayá a propuestes asemeyaes. Pidimos caltenese al tantu del so desenvolvimientu y sofitar esti esfuerzu.
Pa más información sobro la campaña nel Parlamentu Européu y cómo actuar, visita https://meta.wikimedia.org/wiki/European_Parliament_vote_in_2018/es. Puedes siguir la comunicación en redes sociales coles etiquetes #WikipediaSeApaga, #SalvemosInternet y #SaveYourInternet.
La comunidá de Wikipedia n'asturianu